“Le avventure di Pinocchio in triestino”

Buratin o marioneta? Una spiegasion ghe xe!

Iera una volta un rè!

Ma no.. Ma No! Cossa mai! Iera una volta un zoco de legno!

Come pol eser che un zoco de legno ciacoli?!

No solo el ciacolava ma el cognoseva i sovranomi dei do marangoni che sentindose ciolti pel cul i se inaczzava de bruto: “Mastro Toni sovranominà mastro Zariesa per la napa sempre rosa e mastro Gepeto iera per tuti Formenton per via del color del paruchin.

Formentonnn… Formentooon! Se sentiva una voseta che podeva eser solo quela da Mastro Zariesa che però el diseva che no iera stado lu.

No te poso dir che barufon xe vegnù fora! I do se gà imbiavà de bruto, morsigà, sgrafà e sbertucià ( come che disi Collodi ). Coi paruchini che se pasava de man in man.

Co i gà finì de imbiavarse Mastro Toni el gaveva do bei sgrafi sula napa e Formenton do suste in meno sul sacheto.

Ma ala fine i se ga da la man e i se gà giurà de restar boni amici par el resto dela vita.

Gepeto xe rivado a casa col toco de legno che ala fine doveva eser una zata del tavolo,inveze con le sue man de boto xe diventà una marioneta ma cusì mulona che pena fata la boca ghe gà mostrà la linguaza a Gepeto.

E pena fati i pie… El ghe gà tirà un piadon in pien, in tela napa del povero Gepeto.

E uguale pena sgranchide le zate nove, come un levro el xe corso fora de casa.

E Gepeto drio. Ma una marioneta senza el fil no te la ciapi perchè col cori el cori 3 volte più de un cristian.

Gepeto coreva e zigava ciapilo! Ciapilo! Ma la zente vardava el buratin de legno che coreva come un “barbero” e cusì se fermava incandida a vardarlo e rideva, rideva, rideva…

I pie de legno de Pignocco corendo per el selciato fazeva el rumor dela corsa de un caval ciapà dale strighe e cusì… Un Caramba el se gaveva meso co le gambe verte in mezo ala strada.

Solo a Pignocco podeva venirghe inamente de pasarghe de sorpresa framezo le gambe ma…

El se ga fato ciavar!El xe stà ciapà per la lunga napa e riconsegnà a Gepeto. 

Ma Pignocco in verità nol podeva sentir quell’ostrega de Gepeto che lo ciamava perchè nol gaveva ancora le rece e infati no gavendole el pare iera sta costreto de ciapralo per el cupin pronto a darghe una bela rata pena rivai a casa.

Pignocco el se gà disperà e tuti quei che pasava gà scominzià a dirse fra de lori: “ Quel Gepeto me par un bravo omo coi omini ma coi fioi ocio de soto xe un vero cativerioso.

Tuto el casin fato dal buratin e le ciacole dei presenti gà fato in modo che el caramba el se convinzesi a meter Pignocco fora dei freschi e Gepeto in canon.

Pignocco libero el coreva robe de mati per zercar de rivar a casa prima che el podeva. El satava siepi e pruni ( come che disi Collodi) come che el fusi una cavra o un levro.

Rivado a casa el gá trova la porta verta e un “Grilo parlante” che iera lá per dirghe qualche verità che se dovessi scoltar o… soprimer co’ una martellata.

Prima ancora de naser Pignocco sapeva zà i sovranomi dela zente, po’ el saveva cusinar un ovo, parlar, corer e el saveva anca come far tunel al caramba e el conoseva anca l’arte de butar lontan el martel ma sicuro nol poteva saver le conseguense de quel gesto… El grilo gaveva fato una bruta fine?

Mefa, mefa, mefa! Finalmente un ovo… Ma che pecá vederlo svolar via!

Iera una note de buriana. La fame de Pignocco iera tanta e in casa no iera un boro de niente de magnar.
Anche con el teror dei toni e dele saete ocoreva de ‘ndar in paese. Lá qualcosa de magnar se troverá sicuro el gaverá pensá?!

De sicuro una seciada de acqua in testa.

Pignocco el tornerá a casa bagnado come un pulisin e ancora più famá e copá de stancheza.

El se meti visaví del fogo per sugarse ma intanto che el se gaveva pisolado i sui pie de legno se gaveva brusá.

Nol se gaveva inacorto che i pie iera ridoti in zenere, e cusì co xe rivado Gepeto, per verzeghe el xe cascado in tera fazendo el rumor de un saco de mestoli cascá dal quinto pian. Ala fine Gepeto gá dovesto entrar in casa dalla finestra

Iera talmente tanta la fame de Pignocco che oltre a magnarse i tre peri altroché lasar indrio torsoli e scorze dei tre fruti che iera lá colazion de Gepeto, tuto gá magnado.

Vestito de lustrofin con abecedario el se gá aviado verso scola.
Ma come se pol pensar de meter sula strada de un iovine buratin oramai convinto de doverse sacrificar, impegnar, pronto a rinunciare a baldorie e divertimenti… adiritura “EL GRAN TEATRO DEI BURATTINI de MANGIAFUOCO!? Una vera tentasion per Pignocco che dopo gaver svendù l’abecedario comprado con sacrifizio dal pare …
El gá ciolto i biglietti per entrar in teatro e lá sul palco xe Arlecchino e Pulcinella che come el solito i fa casin.
Pignocco iera picio de pochi giorni ma isteso el xe stato riconosudo, saludado e considerado come un fradel da tute le marionete. I spettatori i iera restai per un momento come meravigliai ma dopo i gá scominziá a protestar rumorosamente per el spetacolo cusì interoto.
Ma chi iera incazzá de bruto de tuto el casin scominziá da quando Pignocco iera entrado in teatro iera MANGIAFUOCO paron del gran teatro. Iera un omo che pareva un orco cativo: grandon e con barba lunga nera, nera e longa longa.
Tute le marionete iera terorizade dopo che el spetacolo iera andá in malora e MANGIAFUOCO ghe gaveva ordiná a Arlecchino e Pulcinella de ciapar Pignocco e de butarlo nel fogo per far impinzar de più el fogo per cusinar ben ben el suo monton rosto. Pignocco se iera disperá talmente che MANGIAFUOCO el gaveva sternudí e questo capitava solo se el se comoveva. Cusí intenerido el decideva de sparagnar Pignocco incredulo da esser inzenerido.
Ma la storia no finisci quá. Alora MANGIAFUOCO ghe ordina a due burattini-gendarmi de butar in fogo el povero Arlecchino ma Pignocco sentindose responsabile de quel che iera sucesso in teatro el se gá lui oferto de finir brusado invece che Arlecchino. Alla fine el risultato de sto bel gesto xe stado un sternudon de MANGIAFUOCO
Pignocco iera grato dell’amnistia per tute le maroinete che le salvava da quando del risciò de venir tuti brusai.
Tutintun el se rampiga come un scoiatolo su per el barbon del burattinaio e ghe pozza un baso sulla punta del nason.

Tuta questa pericolosa aventura xe finita quando l’orco bon gá regalando 5 monede de oro a Pignocco da portarghe a su pare dopo che el picio ghe gaveva contado che iera el più povero fra i poveri.
Pignocco questa volta ricco e felice el xe subito corso verso casa. Le sue bone intensioni e la sua generositá assieme ala fortuna de gaver incontrá un personaggio generoso gaveva dado come risultato cinque preziose monete.

Intanto ch’el ‘ndava verso casa chi te incontra? Un gato orbo che tanto orbo no iera, e una volpe zota che tanto zota no la iera.
Pignocco co’ io dó che diseva de conoser Gepeto el gá credú che iera normale de cognoser anca el suo de nome.
Un gesto riscioso xe stado anca de mostrar ai do novi amici i 5 bori.
Un gà slungà subito la zata anche se iera quela da zoto e l’altro gà spalancà de boto i oci verdi che doveva eser ciechi.
Un Corvo Bianco che iera la co i se gà incontrà scoltade che gaveva le parole dei do che zeccava de sconvinzer Pignocco de no andar a scola de no esser bravo e de no studiar el gà zercado de sconvinzer Pignocco de no scoltar i do’ farabutti.
Ciò! No pasa un momento che el gato el gaà fato un salto che no te digo e lo gà magnà in un bocon anche se el iera orbo de tuti due i oci.
Furba anche la Volpe che ghe conta a Pignocco de un posto: “el paese dei Barbagianni”, no lontan, dove che a seminar nel teren miracoloso qule zinque monede tutintun saria nata una pianta che i sui fruti saria stade un casin de altre monede de oro.
I tre i se gaveva avià subito verso quel logo miracoloso. Strada fazendo i xe rivai a una bettola che iera famosa per la riceta dei gamberi de fiume che una volta cusinai diventava Rossi. Iera la Locanda del Gambero rosso”
Per el gato e la volpe xe stado un pantagruelico salto in un delirio de magnativi.
Fra piati semplici e manicareti superbi; una vera immersione nele ricete de Pellegrino Artusi. Pecà per Pignocco aver finalmente l’occasione per sfamarse e no poderlo far causa l’emosion de diventar tictac rico!
Con educasion el gato e la volpe gaveva lasado puf e al buratin ghe gà tocà a pagar el conto che in scuro el xe andà verso el paese dei Barbagianni.
El gaveva no poca paura col gaveva de traversar el bosco.
Fora dela betola iera un scuro ma un scuro che no se vedeva da qua a là. Nela campagna tuto intorno no se sentiva mover una foia. Solo qualche usel noturno traversando la strada da una siepe all’altra finiva col sbater le ale sul naso de Pignocco.
El bosco xe un logo pien de sorprese. L’ incontro con la propria cosiensa o con boni consigli ma non richiesti pol eser un incontro non piacevole. El grilo parlante una volta de più el gaveva meso in guardia Pignocco dai programmi de mona che el gaveva fato co i do’ farabuti.
Nel scuro e nel zito del bosco un rumor. Sarà i asasini? I quattro bori subito in boca e po’ … via via via de corsa.
Pignoco el gà provà a scampar ma el xe stado ciapà e dopo che i ghe gà dito la frase rituale: “o la borsa o la vita” Pignoco el se gaveva messo a far el mimo evitando de verzer la boca a zercando de sconvinzer i do’ col capucio che lu nol gaveva neanche un bel. I do asasini gà aveva tentà in tuti i modi de farghe verzer la boca con un britolon ma Pignoco iera fato de legno duro. Ala fine un bel morsigon ala man del picio imbacucado e maraveia dele maraveie de Pignoco e stà de spudar una ongia de gato.
E via de novo a corer e drio i asasini. Un dato momento el zecca de rifugiarse anche sora a un alto pin ma i asasini ghe gà dado fogo a quel rifugio e alora el gá fato un salton dalla zima più alta fin in tera e via a corer de novo coi asasini drio… e Pignoco coreva coreva coreva.
Finalmente un salton sora un fosso… saveva usar benon le gambe Pignoco! No el steso i asasini che SPLASH! I xe finidi nel ploč in fondo al fosso.
Ma el buratin no iera ancora in salvo.
I asasini drio no molava mai. Iera quasi cascado nele sgrinfie dei do col capucio che co ghe pareva se eser perso ciapado el vedi una caseta nel bosco. El busa el busa finché se verzi una finestra ma ghe vien dito che in quela casa xe tuti morti e che iera morta anche la picio dai cavei zelesti che ghe stava parlando dala finestra e che ghe stava parlando. La finestra se sera e cusì la fata Turchina ghe consegna ai asasini Pignoco eco la fine dela corsa.
El xe stado ciapà el se gà becà due cortelade che gà roto la la a dei due britoloni lunghi l’Inghilterra e guai come rasoi ma el buratin no gà mai spudado i quattro bori ben custodide in boca. No restava altro pel gato e la volpe de implicarlo e lasarlo picar al vento tuto el tempo necessario per tornar al momento giusto e recuperar el tesoro.

Intanto ch’el ‘ndava verso casa chi te incontra? Un gato orbo che tanto orbo no iera, e una volpe zota che tanto zota no la iera.
Pignocco co’ io dó che diseva de conoser Gepeto el gá credú che iera normale de cognoser anca el suo de nome.
Un gesto riscioso xe stado anca de mostrar ai do novi amici i 5 bori.
Un gà slungà subito la zata anche se iera quela da zoto e l’altro gà spalancà de boto i oci verdi che doveva eser ciechi.
Un Corvo Bianco che iera la co i se gà incontrà scoltade che gaveva le parole dei do che zeccava de sconvinzer Pignocco de no andar a scola de no esser bravo e de no studiar el gà zercado de sconvinzer Pignocco de no scoltar i do’ farabutti.
Ciò! No pasa un momento che el gato el gaà fato un salto che no te digo e lo gà magnà in un bocon anche se el iera orbo de tuti due i oci.
Furba anche la Volpe che ghe conta a Pignocco de un posto: “el paese dei Barbagianni”, no lontan, dove che a seminar nel teren miracoloso qule zinque monede tutintun saria nata una pianta che i sui fruti saria stade un casin de altre monede de oro.
I tre i se gaveva avià subito verso quel logo miracoloso. Strada fazendo i xe rivai a una bettola che iera famosa per la riceta dei gamberi de fiume che una volta cusinai diventava Rossi. Iera la Locanda del Gambero rosso”
Per el gato e la volpe xe stado un pantagruelico salto in un delirio de magnativi.
Fra piati semplici e manicareti superbi; una vera immersione nele ricete de Pellegrino Artusi. Pecà per Pignocco aver finalmente l’occasione per sfamarse e no poderlo far causa l’emosion de diventar tictac rico!
Con educasion el gato e la volpe gaveva lasado puf e al buratin ghe gà tocà a pagar el conto che in scuro el xe andà verso el paese dei Barbagianni.
El gaveva no poca paura col gaveva de traversar el bosco.
Fora dela betola iera un scuro ma un scuro che no se vedeva da qua a là. Nela campagna tuto intorno no se sentiva mover una foia. Solo qualche usel noturno traversando la strada da una siepe all’altra finiva col sbater le ale sul naso de Pignocco.
El bosco xe un logo pien de sorprese. L’ incontro con la propria cosiensa o con boni consigli ma non richiesti pol eser un incontro non piacevole. El grilo parlante una volta de più el gaveva meso in guardia Pignocco dai programmi de mona che el gaveva fato co i do’ farabuti.
Nel scuro e nel zito del bosco un rumor. Sarà i asasini? I quattro bori subito in boca e po’ … via via via de corsa.
Pignoco el gà provà a scampar ma el xe stado ciapà e dopo che i ghe gà dito la frase rituale: “o la borsa o la vita” Pignoco el se gaveva messo a far el mimo evitando de verzer la boca a zercando de sconvinzer i do’ col capucio che lu nol gaveva neanche un bel. I do asasini gà aveva tentà in tuti i modi de farghe verzer la boca con un britolon ma Pignoco iera fato de legno duro. Ala fine un bel morsigon ala man del picio imbacucado e maraveia dele maraveie de Pignoco e stà de spudar una ongia de gato.
E via de novo a corer e drio i asasini. Un dato momento el zecca de rifugiarse anche sora a un alto pin ma i asasini ghe gà dado fogo a quel rifugio e alora el gá fato un salton dalla zima più alta fin in tera e via a corer de novo coi asasini drio… e Pignoco coreva coreva coreva.
Finalmente un salton sora un fosso… saveva usar benon le gambe Pignoco! No el steso i asasini che SPLASH! I xe finidi nel ploč in fondo al fosso.
Ma el buratin no iera ancora in salvo.
I asasini drio no molava mai. Iera quasi cascado nele sgrinfie dei do col capucio che co ghe pareva se eser perso ciapado el vedi una caseta nel bosco. El busa el busa finché se verzi una finestra ma ghe vien dito che in quela casa xe tuti morti e che iera morta anche la picio dai cavei zelesti che ghe stava parlando dala finestra e che ghe stava parlando. La finestra se sera e cusì la fata Turchina ghe consegna ai asasini Pignoco eco la fine dela corsa.
El xe stado ciapà el se gà becà due cortelade che gà roto la la a dei due britoloni lunghi l’Inghilterra e guai come rasoi ma el buratin no gà mai spudado i quattro bori ben custodide in boca. No restava altro pel gato e la volpe de implicarlo e lasarlo picar al vento tuto el tempo necessario per tornar al momento giusto e recuperar el tesoro.

Intanto ch’el tornava rivado vizin dela quercia dove che i lo have a impicado, chi te trova? La volpe e el gato senza un’ongia. I due no se dava pase e i lo convinzi de seminar i bori de oro stavolta nel “campo dei miracoli” per poder racoglier dopo un poco un vero tesor!

I tre i camina una mezza iornada e finalmente i riva nela zità “Acchiapoacitrulli”. Le strade iera piene de cani spelachiai che sbadigliava dell’apetito, de pecore tosade, che tremava de fredo, de galine testade sensa de creste e bargili  che domandava l’elemosina, de farfale che no podeva più svolar perché faceva vedù le ale colorade.

In mezo a questa mucio de disgraziai e de povereti che se vergognava, pasava ogni tanto dele caroze de siori con dretro qualche volpe o qualche gazza ladra o qualche usel de rapina.

El tempo de andar a cior un poca de acqua e …

Dopo gaver fato dele bele ridade ale sue spale; xe sta un papagal a dirghe la verità a Pinocio.

El fato e la volpe ghe gaveva lumá i bori! Pinocio el cori subito in tribunal per denunciar i due frabuti che ghe gaveva rubado I bori 

El giudice iera un simion dela raza dei gorilla, un vecio simion rispetabile perchè el gaveva i ociai srnsa le lenti che el iera costreto a portar continuamente causa una diminuzione dela vista che lo tormentava de parechi ani. Cusì in mezo a due can mastini vestiti in montura pinocio se gà ciapà 4 mesi de canon

L’imperador dela zitá “Acchiappacitrulli” el gà liberà tuti quei che iera colpevoli de qualche roba. Solo quando che la guardia gà capido che anche Pinocchio gaveva combinado qualcosa perché lui steso ghe gaveva dito che el iera un delinquente alora ghe gà verto le porte dela person e lo ga lasado scampar.

Coreva Pinocchio el coreva saltando come un can levriero e nel corer el patoc dele pozanghere ghe schizzava fin sora el sacheto. Le marionete sfiora el pavimento ma qua Pinocchio c’è sensa i fili che lo tegniva solevado dal palcoscenico dela realtà e mi me imagino che no ghe dispiasesi de sporcarse un pocheto.

Per strada el incontra una bisa con la coda che ghe fumava come una ziminiera, la pele verde e i oci de fogo. In principio el sperava de pasar oltre e proseguir anche perché in un dato momento la bisa pareva più morta che viva.

Ma la bisa no iera morta anzi se ga alza de boto come una mola

Pinocioel ciapa un spavento che el fa una capriola e se imputa la testa nel fango e el moveva le gambe co la testa in zò con una velocità incredibile. La bisa la rideva talmente tanto che pel sforzo de rider tropo ghe se ga spacà una vena in peto e stavolta el c’è proprio crepado.

Intanto ch’el tornava ghe ciapa fame e el ruba un poco de ua Moscatella in un campo vizin. Ma una tagliola lo ciapa e el resta incadenà sul posto fin a note fonda quando…

Una lucciola la riva in soccorso. Ma anche ela la ga trová solo el tempo de ricordargje che la fame no da el Dorito de cior la roba de altri.

Le ciacole fra i due le xe state interote dal proprietario del campo che gaveva meso le tagliole per difenderse dale faine che magnava le galline. “Chi che ruba l’ua xe anche non de rubar anche i polli” ghe ga dito el contadin zontando anche che ghe gavessi dado una lezion che el gavesi ricordando per parecchio tempo. Poi el ciapa el buratin fora della trapola e el lo lunga ala cadena del can Melampo che iera de guardia alla caponerà e che iera morto.

Quella note pinocio el gà scoverto che el vecio can iera in comunela con le faine quando Lore ghe gaveva promesso a lui Pinocchio una gallina se el gavesi fato finta che no le iera intanto che le se lumava i polastri.

Pinocio e xe stado liberado dal contadin quando la sua onestà la gà fato in modo de far ciapar le faine senza rovinar la reputazion del vecio can che tanto oramai iera defonto.

Finalmente liberado pinocio non el gà più sentí el peso del’umiliazion de quel colar torno el colo. El gá tacà a scampar nei campi e nol se gà fermà un solo minuti finché nol xe rivado sulla strada prinzipal che doveva portarlo ala casa dela fata turchina

Pinocio pien de boni propositi el riva dove che finisi el bosco de dove che el gaveria dovuto veder la casa della bela Lucia dai cavei azuri. 

Non solo la casa dela fata no iera più ma al posto dela casa iera una tomba con Sora scrito la più grande bugia de tuto el libro:” qui giace la bambina dai capelli turchini morta di dolore per essere stata abbandonata dal suo fratellino Pinocchio.” No iera proprio una bugia de poco conto. Pinocio el se ga butá panza in zò  a basar el marmo della tomba. El gá pianto tutta la note e la mattina dopo el pianzeva ancora anche se nol gaveva più lagrime per pianzer. I sui zighi e i sui lamenti iera cusì strazianti e acuti che tute le coline intorno ripeteva l’eco!

In mezzo de tanto dolor riva un Colombo che zerca un buratin de nome pinocio!

A mile chilometri lontan el colombo ghe conta a pinochio de Gepeto mentre che se costruisi un barchin per traversar l’oceano. El ghe disi che quel povero omo iera più de 4 mesi che gira el mondo in zerca de lui e no rivango a trovarlo se iera meso in testa de zercarlo nei paesi lontani del novo mondo.

Subito pinochio salta sora el destriero alato e presto i c’è cusì alti che i podeva toccar le nuvole. Rivado a quell’alteza straordinaria el buratin gà voludo guardar in zó ma el gà ciapà tanta paura e da giramenti che per no cascar de soto se gà “avviticchiato” coi brazi streti streti al colo del colombo.

I gá svolado tuto el iorno e solo la sera I gá rivado a magnar un picio pasto con le “vecce” che el buratin in vita sua no gaveva mai podudo soportar: a sentirlo ghe fazeva nausea, ghe rivoltava el stomigo: ma quella sera ghe ne gà magnade a “stripapelle” e quando che le gà fini de tute se gà girado verso el Colombo e ghe gá dito che nol gavesi mai creduto che le vecce le fussi cusì bone!

Finalmente i riva ala spiagia giusto in tempo per veder un mucio de zente che stava a vardar una picia barcheta per andar a zercarlo di oltre a quel mar e el mar iera oltremodo cativo e la barcheta stava per andar soto acqua.

La zente la ghe mostrava a pinochio ma la barcheta iera oramai un guscio de nose in balia dele onde con un ometo picio picio che a un zerto momento se cava el scufioto… ma la barcheta sbatuda dall’ infuriar dele onde spariva fra i grossi cavalloni e po’ pareva che tornassi a galleggiar… pinochio zigava:- “ gli è il mi’ babbo! Gli è il mi’ babbo”- e Geppetto pareva risponder ma manovrar la barcheta per tornar indrio iera impossibile.

Tuto un momento ghe xe stada una tremenda ondada e la barcheta xe sparita. Tuti sperava che la tornassi a gala ma la barcheta ne se gá visto più. 

In quel momento un zigo disperado e vardando indrio tuti vedi un picio in zona a un scoiò che se buta in mar zigando:-“voglio salvare il mio babbo”-.

Pinochio saveva ben de eser fato de legno e per questo el galegiava ma isteso el spariva soto acqua, portado d’ala forza del mar po’ e tronava a farse veder magari solo co una gamba o con un brazo, sempre più lontan dalla tera. El gà nudà tuta la note. Xe stada una note teribile. Gà piovù che Dio la mandava, gà grandinà, gà tonà de bruto e con zerti lampi che pareva iorno.

Finalmente dopo esser stado ciapà dalle onde che corendo de drio e acavalandose se lo sbalotava fra de lore, come che se el fusi stadi un stecchetto o un fil  paia el fu scaraventato sula piaggia. El posto iera deserto solo un delfin xe comparso e cussì pinocchio el gà savesto del paese poco distante e del fatto che in quele acque nudasi un enorme Pese-can, più grosso de un casamento de 5 piani e una bocaza cussì larga e profonda che ghe saria pasà comodamente tuto un tren dela col la locomotiva impizada.

Dopo gaver caminado più de meza ora el xe rivado a un picio paese dele API industriose. Le strade formigolava de gente che coreva de qua e de la per i fati lori: tuti lavorava, tuti gaveva qualcosa de far. No se trovava un pigro o un vagabondo neanche a zercarlo col lumin. El gà domandà l’elemosina a un carbonaio, a un murador e a altre persone sempre indafarade con robe pesanti de portar che ghe gavesi dado volentieri i bori in cambio de un poco de lavor. Ma Pinocchio no voleva far fa diga e nol gaveria mai acetado de tirar un careto o portar un carigo  pensante. Quindi per la sua superbia e per la sua pigrizia continuava a alimentar la sua fame.

Finalmente xe pasada una doneta con due broche de acqua che dopo gaver spento la sede de Pinocchio in cambio del trasporto de una dele due broche gaveria saziado la fame del buratin con un poco de cavolo soto asedo, de un toco de pan e de un confeto de rosolio. Pinocchio nol gaveva magnà ma de più sai de più. El suo stomigo pareva un quartier restà avido e disabitado da cinque mesi. 

Pinocchio presto gà riconosudo nela doneta la sua fata turchina bugiarda ma per lui iera zà una roba bellissima che no la fusi morta anzi iera diventada più mamma che sorella e lu iera rimasto lo steso uguale a prima.

El gà promesso de eser ubbidiente e el gà acetado con un poco de difficoltà de andar a scola e dopo anche de lavorar. El ghe ga dito che el studierà el lavorerà e che el farà tuto quel che ela ghe dirà perché la vita del buratin ghe annoiava e che el voleva diventar un ragazo a tuti i costi. 

Figureve veder rivar a scola un scolaro de legno. Cusì i fioi se gaveva scadenado intorno al compagno con burle e a ciolte pel cul. Ala fine i scherzi no ga mancado de infastidir Pinocchio che el voleva solo rispetto. Uno dei compagni più birichin dei altri El ga volesto ciorlo per el naso ma inveze in cambio se gà ciapà una bela piada de legno in tei stinchi.

-Ohi che pie duri- ga zigà un muleto tocandose el livido che ghe gaveva fato el buratin. – e che comi!! … anche più duri dei pie! – diseva un altro che per i sui scherzi fora misura se gaveva ciapado una bela comiada in stomigo. Ala fine con qualche pedada e comiada che gaveva fato bei grosi lividi el buratin se gaveva conquistado stima e simpatia dei sui compagni.

Un giorno proprio quei compagni ribelli e scapestrai ghe gá dito che in mar da quele parti girava un cativo e enorme pese-can. Quel che forsi gaveva inghiotido papà Gepeto. Cussì el se gà lasado convinzer e per primo el se gà messo a corer verso la spiagia. Come zà se gà visto prima el iera iragiungibile.

El pese-can probabilmente el girava da quele parti ma no in quel momento. Iera strada un’altra burla per Pinocchio che stavolta se gà incazzà de bruto. I sui compagni ghe gaveva voludo farghe perder una giornada de scola perché el iera cussi pravo e diligente che al maestro i altri li faceva sembrar ancora più sgangherai de quei che i era.

Pinocchio li cioleva pel cul disendoghe che I iera dei “peccati mortali” e dopo una pernacchia verso dela truppa nemica el buratin se gà ciapà un pugno in testa. Na xe strada botta e risposta, perché el buratin come che se podeva spetarse, el gà risposto con un altro pugno e tutointun el combattimento xe diventando generale e accanito. Pinocchio anche se el iera solo, se difendeva come un lion. Con quei sui our de legno sai duro lavorava cusi ben da tenue i nemici a debita . Dove i pie arrivava a tocar la el lasava sempre un bel livido de ricordo.

Pinocchio iera invincibile nel corpo a corpo del resto el iera fato de legno duro. Cussi i fioi i ga deciso de armarse con i proiettili che i gaveva a portata di mano. I libri. Ga cussi incominciado un battaglia fata de dizionari, vocabolari, de libri de raconti… tuti butai verso Pinocchio ma molti sbaiando mira finiva in pasto ai pesi che dopo poco i se ga inscirto che no iera roba de magnar.

Un granzo se gà deciso a meter in guardia i scadenai del pericolo che qualcosa de grave podessi suceder ma i consigli xe zà dificile da scoltar in tempo de pase figuremose in piena guera. Cussi Pinocchio ghe gà zigado drio de calmarse e de magnarse due pastiglie de alghe per guarire del suo bel mal de gola. Ghe ga anche zigado de andar in leto e de zercar de sudar.

I libri de aritmetica specie se rilegai per durar de più i pol far sai mal.

Un de quei delinquenti el gà ciapà quel volumon e lo gà buta con tuta la forza che el gaveva nel brazo: ma inveze de ciapar el buratin el ga ciapà in testa un dei sui compagni che el xe diventado bianco come una straza.

Eugenio pareva che el fusi morto.

Due caramba che pasava de quele parti vedendo el muleto per tera i ghe ga domandado come che el se fussi ferido e Pinocchio ghe ga dito che el libro colpevole dell’incidente iera el suo. In realta lui iera inocente ma per incaramba no xe stado cussi. Subito i lo gà dichiarado colpevole e anche se pien de rimorsi per eserse lasado inzinganar de quei cattivi compagni el xe stado arestado.

I caramba subito se occupa de meter in salvo Eugenio fazendolo portar in paese e po’ i se gira verso de Pinocchio e dopo verlo meso fra mezo ghe ga dito – Avanti e camina e movite se no sarà peso per ti –

Qualche volta una rafica de vento pol eser un colpo de cul. Cavà de testa la bareta el vento lo ga butà lontan e Pinocchio che iera un buratin educato, ghe gà domandà ai caramba se ghe iera posibile recuperarlo. Lori ghe ga dito che el se movesi che se el fazeva in furia el podeva far. Eco l’ocasion per scampar co la bareta in boca ma cusì in furia che i caramba no i podeva guantarlo. Una volta de più Pinocchio no camina ma el cori sempre. 

I ghe mola drio un cagnon, un can mastino che gaveva vinto el primo premio a tutte le corse dei cani. Pinocchio coreva ma de più coreva el can. Pien de gente vardava per strada e par le finestre che voleva veder sto feroce inseguimento. Ma i do’ i faceva talmente tanta polvere che dopo un poco no se vedeva un boro.

Durante sta corsa disperada ghe xe sta un momento teribile!

Bisogna che savè che Alidiro questo iera el nome del cagnon a furia de corer e corer gaveva quasi raggiunto el buratin che el sentiva oramai vizin vizin el fià del cagnazo.

Appena che I xe rivadi sula spiaggia el buratin gà tirà un salto incredibile come gavessi fato una rana e el xe finido in mezo al mar. Alidiro inveze gavessi voludo frenar ma col impeto de corer nol ga rivà é el xe cascade anche lui in acqua. Pecà perché nol sapeva nudar. Cusì Pinocchio el xe corso in suo aiuto ma con santa pasiensa per paura visto cosa che iera sucesso poco prima.

Fidarse xe ben no fidarse xe meio. Cusì dopo eserse fato prometer de no gaver più de preocuparse per el fururo che nol ghe gavesi più corso drio Pinocchio se gà deciso de salvar Alidoro de finir negá.

El povero cagnon no stava più in pie. El gaveva bevudo talmente tanta acqua che el iera sgionfo come in balon. Pinocchio comunque pena gà podesto el se gà ributà in mar no savendo se fidarse o no e nudando via dela spiaggia lo salutava come a un amico e el can ghe rispondeva con tanta gratitudine per gaverlo salvado. Disendoghe anche che se saria stada l’ocadion ghe gavesi tornado el favor. 

Pinocchio gaveva comincià a alontanarse dalla spiaggia dove iera el cagnon intanto che el pensava se fidarse xe ben no fidarse xe meio. Tutintun el se gà sentito tirar su in un scintillio agitado de squame de pesi che man man che la rede vegniva tirada su diventava sempre più fitta e ingrumada.

Dopo un poco fora dela grota dove viveva pescando e frizendo xe vigudo fora un pescador ma bruto ma bruto che pareva un mostro marin. Inveze dei cavei gaveva in testa un cespuglio de alghe verde iera la pele verdi I oci verde la barba lunghissima. El pareva un ramarro meso in pie.

Tuto quel che el gaveva pescado fato de ogni tipo de pese xe finido in una terina per eser infarinado e fritto con insuu insieme Pinocchio. Inutili tuti i tentativi del buratin de no finir infariná, fritto e magnà. El pescador no voleva perderse l’ocasion de asagiar un pese cussi raro. El pensava che no capita tuti i giorni un pese-buratin in quei mari. El ghe ga dito a Pinocchio che alla fine el sarà contento  de esser fritto con tuti i altri perchè esser frito in compagnia xe una bella consolazion.

Po el pescador lo gà ben ben girado nella farina che el pareva un buratin de gesso po lo ga ciapà per la collottola e…

Nell’ultimo momento de vita chi te riva a salvarlo? Alidoro! El fa un gran salto da terra, el ciapa quel fagotto infarinado con la boca e tegnindolo pian coi denti El cori come un lampo fora dela grota e via lontan come un refolo.

Messo in salvo ma tuto infarinado Pinocchio xe rivado a una capanna domandando del povero muleto che forsi iera guarido ma che el iera stado portado via dalla spiaggia più mirto che vivo. El “galantuomo” cusi lo chiamava el buratin l’omo che el gà incontrà, ghe ga dito che iera stado colpa de un certo Pinocchio de quel incidente. Al buratin che zercava de difender giustamente le azioni del buratin fazendi finta che no iera lui ghe se gà slongà el naso anche se no iera bugie. Finché pur de no veder che el naso se slungava el gà comincia a dirghene de cotte e de crude a quel farabutto de Pinocchio. Eco che alora anche el naso ghe se gà accorciá subito. 

Nudo e infarinà iera Pinocchio. Solo un sacheto de carta de lupini scodo ghe ga pidudo dar per vestito. Fati i bisi per testa e brazi el se gá aviado per andar verso casa dela fata turchina. 

Cusi conzà vestido de in sacheto de carta con mile dubbi se presentarle o no ala fata turchina ancora una volta pentido Pinocchio se gà intanto incaminá in quella direzion. 

A rivado che el iera alla casa sai titubante de come la gaveria ciapada la fata nol gaveva sai coraggio de busar. El xe corso via inveze de baterghe po el xe tornà una seconda volta senza concluder nada de nada. Po repete una terza volta e niente la quarta el ciapa in man tremando el battente de ferro e ghe da un picio picio competing ala porta.

Dopo mezza ora se verzi la finestra del 4 pian e vien fora una grosa lumaca. Lentamente come pol far una lumaca lo riconosi e ghe disi che la fata stava dormindo e che non podeva eser disturbada.  Ghe disi che la ghe gavesi verto subito ma capì ben cosa voleva dir per un animal lento per natura come la lumaca “subito”.

Pinocchio ga pasado tuta la notte in inutile attesa con el battente stufo de eser usado per verzer la porta se ga stufado e xe scampà trasformado in bisato.

Pinocchio a un certo punto el xe scantinà a son de spetar e ghe ga tira un piadon alla porta cusi el pie ghe se gaveva incastrà dentro. 

La mattina co gaveva comincià a far ciaro finalmente se gà verto la porta. In 9 ore la lumaca iera rivada dal quarto pian… co se disi “subito” xe tuto relativo. Come “volentieri”. 

Inciodado alla porta e con una gran fame Pinocchio ghe gà domandado de esser liberà e qualcosa de magnar ma el xe stado contentado solo per la seconda richiesta. 

Dopo 3 ore e meza Pinocchio la ga vista tornar ci un vassoio de argento in testa. Nel vassoio iera la colazione mandada dalla fata: un toco de pan, un polastro  rosto e 4 ermellini maturi. Come che el buratin ga visto tuto quel ben de Dio el se gà consolado. Ma poco el ghe ga meso a capir che el pan iera de geso, le albicocche de alabastro e el polastro de carton. El voleva pianzer, disperarse, voleva buttar via El vassoio ma no se ga capido se per la fame o per el dolor el xe andà insieme zò per tera. Quando el se gà sveiado el se gà trovado disteso sul divano co la fata vizin. 

Pinocchio prometti de esser bravo, ubbidiente e scolaro diligente. Per festeggiar che tuto questo lo gavessi fatto diventar un fio vero la fata turchina gaveva organizzado un banchetto con 100 panini con butiro sora e soto. 

Adesso bisognava solo invitar i altri fioi e  compagni de scola alla grande festa… per disgrazia nella vita dei buratini e non solo ghe xe sempre in ma che rovina ogni roba.

Fra i amici de Pinocchio ghe iera un certo Romeo ma per i amici iera Lucignolo. Iera la più boba dei compagni del buratin che lo gà convinto a seguirlo nel paese dei Balocchi. Basta con le scole i doveri el lavor… solo zoghi e divertimenti. A mezanotte un caro xe rivado all’appuntamento. El gaveva le riode coverte de straze e tirado da asinelli coi zocoli coverti coi stivai de cuoio fin per no far casin.

Pinocchio gaveria podudo eser più attento dai avvertimenti che rivava sottovose da un ciuchino. La prospettiva de rivar in un paese dedicado interamente a feste e bagordi iera troppo forte. Alla partenza con un asinel che no voleva gaver nisun in gropa xe bastà un bel morsigon a una recia che lo gà adomesticà e cussi el caro c’è partí col suo carigo de bobete e tarete. 

Questo paese no somigliava a nisun altro paese al mondo. La sua popolazion iera tua composta da muloni dove i più veci gaveva 14 anni i più giovani ne gaveva 8 apena. Nelle strade alegria, casin tuti che zigava. Grupi de fioi che zogava a mosca cieca chi che faceva i salti mortali chi che faceva la galina che gà fato l’ovo. Chi ancora che caminava co le man in tera e le gambe in aria… insomma un casin un pandemonio indiavolà. Cussi xe svolai 5 mesi de cuccagna senza un libro senza un giorno de scola. 

Gratarse la testa de marina pena svei pol portar a qualche bruta sorpresa per chi frequenta el paese dei balocchi. 

Una marmotta che abitava al pian de sora sentito che la gaveva la disperazione de Pinocchio no la ga fato altro che confermar quel che Pinocchio gaveva visto soeciandose in un casin de acqua. Ghe iera cresude due bele orece de asino. Fra un poco anche la vose e tuto el resto saria cambiado. 

Lucignolo e tuti i altri gaveva subido la stessa sorte. Iera tuti diventai dei asini!

Bruta sorte per chi gaveva scelto la via del vizio, del divertimento, del casin. 

Pinocchio xe stado vendudo a un diretor de una compagnia de saltimbanchi. Lo gaveva comprà per ammaestrarlo e cussi farghe saltar i cerci, ballar la polka e el valzer stando dritto sulle zate de drio. 

El povero Pinocchio per amor o per forza gà dovesto imparar ste bele robe ma per farlo ghe ga voludo 3 mesi de lezioni e una bela dose de frustade. Ma in un esercizio se ga fato mal a una gamba e el zotava de bruto. La fata turchina che iera presente fra el pubblico no la ga volesto o podudo far niente per salvar el asino-buratin zoto.

Cusi disemo “guasto” el xe stado vendudo al mercato per far un tamburo.

Per negarlo i lo gà portado sulla scogliera e butado in mar co una piera al colo.

Ma tuti i pesi xe venudi per magnar l’asino e rivai al legno duro che iera fato Pinocchio no ghe ga piasso più e lo gà lasado ligado alla corda che iera tignuda in man dal novo paron. Sto qua tirandola dopo un poco el vedi afiorar un arzillo buratin inveze che un asino negà! Una storia conta da Pinocchio farà in modo de salvarlo un’altra volta. 

Pinocchio finalmente libero dopo esserse burlado de chi gavessi voluto copar el povero ciuchino zoto e della pelle farse un tamburo, se gà ritufado in mar. El gà incomincià a nudarfazrndo capriole e salti come che el fossi un delfin de morbin.

Pinocchio nudava verso un scoio bianco Sora ghe iera una capretta turchina che Pinocchio sperava tanto che la fussi ancora una volta la fata turchina ma… 

Iera zà a meza strada quando vien fora dall’acqua e ghe cori incontro una orribile testa de mostro marino, con la Boca talmente verta che sembrava una voragine e tre file de denti che gavessi fato paura anche a vederle disegnade. 

Quel mostro marino no iera altro che quel pese-can ricordado altre volte in questa storia. Per le stragi che el gaveva combinà e per la fame insaziabile gaveva per sovranome l’“Attila dei pesci dei pesci e dei pescatori”.

Pinocchio nudava e la capretta ghe zigava de nudar più forte che mai e lui nudava con tutta la forza che el gaveva. Finalmente el riva sul scoio bianco praticamente salvo. La capretta ghe slungava le zatine… ma oramai iera tardi! El mostro ciuciando el fià e el mar se gà bevuto anche el povero Buratin come che el fusi un ovo de galina.

Intorno iera un un scuro ma un nero cusí nero e profondo che ghe pareva de esser entrado in una boceta de inchiostro. Anche un tonno xe stado ciapà dentro. Cussi nol podeva far de meno de pensar che quando se xe tonni xe meio morir soto acqua che sotto oio!

Pinocchio el vedi una lucetta in fondo a tuto sto scuro e pian pianin a gato el xe rivado fin in fondo alla panza del pesazo. El sperava che dove che iera la luce ghe fussí qualchidun che ghe insegnasi el modo de scampar. 

E el trova qualchidun sicuro che el trova un che stava magnando a tavola. 

Iera Geppetto!!! Proprio lui iera là.

Iera stado inghiotí dal pese-can proprio el giorno che i se riera visti dala spiagia oramai 2 anni prima. Quella buriana che gaveva ribaltà la barchetta la gaveva fatto naufragar anche una nave mercantile. I marinai se gaveva salvado tuti ma el bastimento iera andà a fondo. El solito pese-can, che quel giorno gaveva un appetito eccellente, dopo aver inghiottido Geppetto gaveva inghiottí anche el bastimento. De quella riserva de robe che gaveva servido a Geppetto per sopravviver no restava solo che un mozzicon de candela.

Pinocchio ciapa in man la situazion e el se acorzi che el pese-can soffriva de asma e de palpitazion de cuor. El iera costretto de dormir a boca verta. Perciò Pinocchio guardando in su fora della gola oltre l’enorme bocca el gà podesto veder un bel toco de ciel stellado e un bel riflesso de luna. 

Trovado el momento bon per scampar fora da quella bocaza oltre le tre file de denti, Pinocchio con in gropa Geppetto se ga messo a nudar come save a fa sai ben.

Sentiva tremar el papà ma el zercava de consolarlo finché però ghe mancava le forze. Quando oramai ogni speranze iera persa… xe rivado in soccorso el tonno che gaveva seguito i passi de Pinocchio e Geppetto co’ i scampava. Cussí i due c’è stai salvai e sul gropon del grosso tonno i xe rivai tic tac ad una spiaggia. 

Pinocchio el xe stado riconoscente de quell’aiuto che ghe iera  sembrado un miracolo. Cussí quando el tonno gà tirado fora el muso fora dell’acqua Pinocchio piegando i zenoci fin per terra ghe ga dado un bel baso affettuoso sulla bocca. A quel gesto el tonno no iera abitua e se ga senti talmente commosso che vergognandose de farse veder coi lagrimoni el gà butà la testa soto acqua e el xe sparido. 

Pinocchio stavolta per l’ultima volta, gà incontrà el Gatto e la Volpe ma finalmente i due farabutti no i gà avudo sodisfazion e dopo aver ricevú in regalo da parte del buratin un per de proverbi sui bori che se rubai no fa fruti e che la farina del diavolo va tuta in crusca.

No sai distante i xe rivai una bella capanna in mezo ai campi. Xe stado facile riconoser la vose che iera drio la porta e che li invitava a entrar. 

Iera quella del grillo Parlante. La bela capanna ghe iera stada regalada da una capretta azurra che sicuramente no la tornerà de quele parti mai più. Quella capretta la iera a dada via parlando de Pinocchio che nol saria mai più tornado finido magnado dal pese-can.

El buratin ghe domanda al grillo per un bicer de latte e lui ghe gà risposto de andar da Giangio l’ortolano.

Pinocchio el se meti d’accordo per lavorar de tirar su l’acqua per l’orto con el bindolo. Fin poco tempo prima iera tacà alla macchina el asino Lucignolo che el morirà fra le man del buratin. 

Per più de 5 mesi el buratin gà continuà a lavorar curando el papà e studiando quando che el podeva dopo de gaver lavorado.

Finchè una matina el decidi de comprarse braghe e giacheta coi 40 bori che el iera rivado a meter da parte.

Fato che el gaveva pochi passi el se sentí ciamar, iera la Lumaca che ben el conoseva che ghe dava notizie della fata turchina. La povera fata la iera ricoverada in un leto de ospedal.

Pinocchio el consegna i 40 bori alla lumaca per iutar in tute le maniere la fata e el iera disposto a guadagnar altri per ela. La lumaca la gà comincià a corer ma a corer come che no iera suo costume far come una lucertola nei grandi solleoni de agosti.

Quella sera Pinocchio invece de star sveio fin le 10 el xe stado fin mezanote e passa. Inveze de far 8 canestri de giunco ghe ne fazeva 16. Dopo el xe andando a dormir e se gà indormenzà. Mentre che el dormiva ghe gà parso de veder in sogno la Fata tuta bela e sorridente.

El final dela storia dele Aventure de Pinocchio xe un poco deludente perché la storia finisi senza che se possi tornar indrio. Saria stado meio impicar Pinocchio, come in un primo momento gaveva fato Collodi, ma magari lasarghe un poco de fià per altre avventure.

A nisun ghe interessa la storia che va avanti con un muleto bravo, educato, ubidiente e volenteroso. E mi inveze laso questa storia verta con Pinocchio che sogna per lasar almeno una picia speranza perché un altro novo Collodi se ricordi de un super eroe de legno immortale e invincibile qualche volta credulon ma sempre generoso, estroverso e socievole.